Жаңалықтар

№1 Майқайың жалпы орта білім беру мектебі 1 маусым Халықаралық балаларды қорғау күніне арналған концерттік бағдарлама мен «Айналайын» жазғы сауықтыру алаңының ашылу салтанатының

   «Бала – бауыр етің» деп қазақ халқы айтқандай, баласыз өмірдің мәні жоқ екендігі айтпасақ та белгілі. Сол болашақ балапан бүлдіршіндерді қорғау, көңіліне қаяу –мұң түсірмей, бақытты балалық шақтарын қызықты етіп өткізу үшін біздің мектебіміз де қалыс қалған жоқ. Осынау, айтарлықтай, жыл сайын аталып өтілетін 1 маусым Халықаралық балаларды қорғау күніне арналған «Бар мейіріміміз – балаларға!» атты концерттік бағдарлама және «Айналайын» ажзғы сауықтыру алаңының ашылу салтанаты өткізілді. Концерттік бағдарлама мектебіміздің директоры Мажитова Самал Сақтасынқызы мен Тәрбие ісінің меңгерушісі Саньязов Мақсат Жарылкасыновичтің бүлдіршіндерді төл мерекелерімен құттықтау сөзінен басталды. Амирхан Ақмаржанның орындауындағы «Әриайдай» әнімен концертіміздің шымылдығы ашылды. Содан әрі балаларға арналған «Көңілді орындық», «Лавата» секілді қызықты ойындар өткізілді. Сондай-ақ, 02.06.18 күнінен 15.06.18 күніне дейін өз жұмысын бастайтын «Айналайын» жазғы сауықтыру алаңының құрамында жұмыс атқаратын тәлімгерлер өздерінің топ атауларын қызықты ойындар арқылы таныстырып, келген оқушыларды бөліп алды. Соңыра қарай, балапандардың қуанышты жүздерін, бал-бұл жанған көздерін көру үшін «Тәтті үстел» атты алдын ала даярланған тәтті тағамдар мен әр оқушыға тәтті балмұздақ таратылды.