Талдау көрініс

    «Балбұлағым- бастауышым» тақырыбында бастауыш сыныптар апталығы өткізілді. Апталықта 2 «А», «Ә» сыныптары бірігіп «Көктем сәні» ертегісін сахналады. Мектепалды даярлық тобымен бірінші сынып оқушылары көрермен болды. Ертегіні көрсетудегі мақсатымыз: көктем сәні неде екенін анықтай отырып, жыл мезгіліне деген сүйіспеншіліктерін арттыру.

   Оқушылардың актерлік қабілеттерін дамыту. Ертегіде аң патшасы арыстан орман жануарларын шақырып, көктемнің сәні не екенін сұрайды. Әр жануардың ойы әр түрлі болып шығады. Тек қана бұлан өз ойын айтпайды, аңдардың бәрі бұланның неліктен үндемей тұрғанына таң қалады. Бұлан сен неге үндемей тұрсың? –деп сұрайды. Ең соңында бұлан көктемнің сәні не екенін толықтай айтып береді. Қойылымды екінші сынып оқушылары аса шеберлікпен сомдады. Рөлге ене отырып, көрермендерді өздеріңе баули білді.