Жаңалықтар
«Тәуелсіз елім – кең байтақ жерім»
15.12.17 күні Тәуелсіздігіміздің 26 жылдық мерейтойына арнап мектебімізде 1-11 сыныптарда «Тәуелсіз елім – кең байтақ жерім» атты тәрбие сағаттары өткізілді. Тәрбие сағатының мақсаты: оқушылардың бойына рухани, патриоттық тәрбие беріп, өз Отанын, елін сүюге, қамқор болуға, Тәуелсіздіктің құрбандарын құрметпен еске алу.
Сол күні мектебімізде Тәуелсіздігіміздің 26 жылдық мерейтойына арналған «Тарихы сырлы, ертеңі нұрлы – Қазақ елі» атты мерекелік концерт ұйымдастырылып, жоғарғы деңгейде аталып өтілді. Мерекелік концерттің шымылдығын мектебіміздің директоры Мажитова Самал Сақтасынқызы өзінің құттықтау сөзімен ашып берді. Бұдан әрі оқушылар дайындаған ән, күй және бимен өз жалғасын тапты.
Жас улан кабылдау
14.12.17 күні Тәуелсіздігіміздің 26 жылдық мерекесі қарсаңында мектебімізде Республикалық «Жас Ұлан» және «Жас Қыран» бірыңғай балалар мен жасөспірімдер ұйымына оқушыларды салтанатты түрде қабылдау рәсімі өткізілді. Салтанатты жиынның құрметті қонағы «Нұр Отан» партиясының төрағасының орынбасары Борог Лашын Тәуелсіздігіміздің 26 жылдық мерейтойымен құттықтап, ұйымға мүшелікке қабылданатын оқушылардың мойындарына галстук тақты.
Cпорттық сайыс анықтама
№1 Майқайың жалпы орта білім беру мектебінде 12 желтоқсан күні Астана қаласының 20 жылдық мерейтойы қарсаңында «Көңілді сөре» атты 3-сыныптар арасында сынып жетекшілерімен бірге спорттық жарыс өткізілді. Сайыс 5 кезеңнен тұрды, нәтижесінде 3 «г» сыныбы 1-орынға, 3 «ә» сыныбы 2-орынды қанжығаларына байлады.
«Қазақстан – өз елім»
№1 Майқайың жалпы орта білім беру мектебінде 13 желтоқсан күні Тәуелсіздігіміздің 26 жылдық мерейтойына орай 5-8 сыныптар арсында «Қазақстан – өз елім» атты патриоттық әндер байқауы өтті. Мектебіміздің белсенді оқушылары өз өнерлерін ортаға салып, жүлделі орындармен номинациялармен марапатталды.
Мектепалды даярлық «А» сыныбында «Әліппе» оқулығын апробациядан өткізіп отырған сыныптың ата-аналарымен «Бала тәрбиесі бесіктен» атты сайыс өтті
2017 жылдың 21-ші желтоқсан күні жоспарға сәйкес мектепалды даярлық «А» сыныбының тәрбиешісі Борог Сункар «Бала тәрбиесі бесіктен» атты ата-аналармен сайыс өткізді. Сайысқа толық ата-аналар қатысты. Сайыстың негізгі мақсаты-бала тәрбиесінің дамуындағы басты рөл атқарушы – отбасы сондықтан, ата – ананың бала көңілін таба білуіне ой қозғау, өзін – өзі тануына бағыт беріп, тәрбие жайлы пікір бөлісу. Ата – аналарды өздерінің балаларының жан – дүниесін түсінуге шақыру. Балаларды мейірімділікке, аналардың өлшеусіз еңбегін бағалай білуге үйрету. Сайыс сегіз кезеңнен құрылған. Әр кезеңдер бойынша әділ ұпай сандарын әділқазылар алқасы беріп отырды. Сайыстың қорытындысы бойынша І орынды «Тұлпар» тобы, ІІ орынды «Қыран» тобы, ІІІ орынды «Жалын» тобы иеленді.
1 желтоқсан – Тұңғыш Президент мерекесі қарсаңында ұйымдастырылған «Кемел келешек – білімді ұрпақ қолында» атты мектепішілік олимпиада жеңімпаздарын марапаттау кеші
30.11.17 күні Біздің мекемемізде 1 желтоқсан – Тұңғыш Президент мерекесі қарсаңында ұйымдастырылған «Кемел келешек – білімді ұрпақ қолында» атты мектепішілік олимпиада жеңімпаздарын марапаттау кеші ұйымдастырылып, жоғары деңгейде аталып өтілді. Мерекелік форумның шымылдығы Елбасымыз Н.Ә.Назарбаевты ұлықтайтын бейнематериал көрсетіліп, әнұран айтумен ашылды. Республикалық «Жас Ұлан» және «Жас Қыран » балалар ұйымының мүшелері Елбасымызға арнайы дайындаған мақтау сөздері айтылды. Содан соң мектеп директоры Мажитова Самал Сақтасынқызына құттықтау сөз кезегі берілді.
