Жаңалықтар
Ұстаздар күні мерекесіне орай өткізілген «Ұстаз – ұлағатты есім» атты іс шараға
«29.09.2017 жылы біздің білім ордамызда айтулы мерекелердің бірі ұстаздар күні жоғарғы деңгейде аталып өтті. Концерттің шымылдығын «Вокал» тобы «Ұстаз-Ана» әнімен ашып берді. Одан әрі мектеп табалдырығын енді ғана аттаған 1-сынып бүлдіршіндері арнайы дайындаған құттықтау өлеңдерін оқыды. Мерекелік концерт барысында ұстаздарға арналған 3 тілде (қазақ, орыс, ағылшын тілдерінде) қызықты ойындар ойнатылды. Қазақ тілінде «Мені тап», «Емтихан» «Әріптер сөйлейді» тақырыбындағы ойындар, орыс тілінде «Указка» және «Никаких эмоции», ал ағылшын тілінде «INSIDE-OUT» ойыны ойнатылып, ағылшын тілінде сергіту сәті өткізілді.
Ұстаздар күні мерекесіне орай өткізілген спорттық жарысқа
«29.09.2017 күні біздің білім ордамызда айтулы мерекелердің бірі ұстаздар күніне байланысты мұғалімдер арасында спорттық жарыс ұйымдастырылды. Спорттық жарыс барысында ұстаздар қауымдастығынан құрастырылған 3 топ болды. олар алдын ала даярланған жарыстың ережелеріне сәйкес топтың атын, эмблемасын, ұранын таныстырды. Мұғалімдерден құралған 3 топ «Болашақ» тобы бастауыш білім беру бірлестігінен, «Жеті қарақшы» қазақ тілі және тарих бірлестіктерінен, «TIGER» матиматика-физика бірлестігінен құралды.
Қарттар күні мерекесіне орай өткізілген «Мен ата-әжемнің еркесімін» атты фотокөрмеге
«22.09.2017 -28.09.2017 аралығында біздің білім ордамызда қарттар күніне орай 1-4 сыныптар арасында ұйымдастырылған «Мен ата-әжемнің еркесімін» атты фотокөрме сайысы өтті. Фотокөрменің талаптарына сәйкес оқушылар өздерінің ата-әжелерімен түскен фотоларын қағазға жабыстырып сыртына өз қиялдарына байланысты қолдан фоторамка жасады. «Ең үздік фотосуреттер» номинациясы бойынша 1 «а» сыныбы көзке түсті. Қатысқан барлық сыныптарға мақтау қағаздары таратылды.
Қарттар күні мерекесіне орай өткізілген «Қарттарым – қазынам» атты іс шараға
«28.09.2017 жылы біздің білім ошағымызда қарттар күніне арналған «Қарттарым – қазынам» атты мерекелік концерт аталып өтті. Концерттің шымылдығын мектебіміздің директоры Мажитова Самал Сақтасынқызы құттықтау сөз сөйлеп ашып берді. Одан әрі мектеп табалдырығын енді ғана аттаған 1-сынып бүлдіршіндері арнайы дайындаған құттықтау өлеңдерін оқыды. Мерекелік концерт барысында қарттарымызға қызықты ойындар ойнатылды.
«Рухани жаңғыру»
«Рухани жаңғыру» мемлекеттік бағдарламасын іске асу шеңберінде бізідің мектебімізде тоғызқұмалақ флешмоб өтті, 2-11 сыныпқа дейін 325 оқушы , 10 пед.ұжым және 7кіші қызметкерлер қатысты. Басты мақсат – адамға үйлесімді (гармониялық) тәрбие беру. Мәні кез-келген жанның ақыл ойы шындап, ми қызметін дамытып, қоғам алдындағы жауапкершілігін арттыру.
Денсаулық күні
Бүгін 2017 жылдың 9 қыркүйегінде біздің мекемемізде 1-11 сыныптар арасында денсаулық күніне орай «Денсаулық фестивалі - 2017» өткізілді. Ашылу салтанатынан кейін бой жаттығулары жасалынып, флешмоб биленді. 1-сыныптар арасында «Толағай» отбасылық жарысы өтті, 2-сыныптар арасында эстафеталық жарыс өз кезегін тапты. 3-4 сыныптар арасында «Кім бірінші» атты эстафеталық сайыс ұйымдастырылды. 5-6 сыныптар арасында қазақтың ұлттық ойыны асық ойнаудан, баскетбол мен футболдан жарыс болды. 7-8-9 сыныптар арасында «Күзгі кросс» жарысы ұйымдастырылды. 10-11 сыныптар арасында баскетбол волейбол жарыстары өтіп, барлық жеңімпаздар мақтау қағаздарымен марапатталды.
